MKALAMA YAJA NA MAONESHO YA MBEGU BORA YA VITUNGUU

Na. Wellu Mtaki, Dodoma

Afisa Ugani Mifugo halmashauri ya Wilaya ya Mkalama Mkoani Singida Joseph Maiko amebainisha kuwa mbegu aina ya Red Mang'ola ni mbegu Bora kwa wakulima wa vitunguu kwani inauwezo wa kukomaa kwa siku 120 lakini uzalishaji wake ni mkubwa na inauwezo wa kupata gunia 80 Hadi 100 kwenye hekari Moja.

Hayo yamebainishwa Agost 1 ,2025 wakati akizungumza na Nico media Katika maonesho ya nanenane jijini Dodoma mara baada ya Uzinduzi wa maonesho Hayo yaliyozinduliwa na Makamu wa Rais wa Jamuhuri ya Muungano Tanzania Dkt. Philipo Isidore Mpango huku akieleza mazao ambayo wanaonesha ni pamoja na zao la vitunguu, Alzeti na Mtama Sambamba na Mifugo aina ya Ng'ombe kuku na Samaki aina ya kambale.

Amesema uzalishaji wa vitunguu kwa almashauri ya Mkalama imeweza kusaidia kukuza uchumi wa Mkoa Singida pamoja na kukuza pato la mtu mmoja mmoja wa halmashauri hiyo.

Aidha amesema kuwa wapo wataalam wabobevu ambao wataweza kusaidia Mkulima kupata Elimu ambayo itamnufaisha kupata uwelewa mkubwa kuhusu kilimo hicho pamoja na upatikanaji wa mbegu hizo.

Sambamba na hayo amesema kuwa halmashauri hiyo imejikita Katika ufugaji wa samaki aina ya kambale, pamoja kuku wa kienyeji huku akieleza mbegu ya kuku wa asili inapatikana.